Dans mon pays
(A/C Jean Bruno Escyle)
Dan'n mon péi, toultemps nana beau temps
Vingt quatre heures sur vingt quatre climat lé attirant
Dans mon péi soleil lé la toultemps
Nad'moun i di mon péi, c'est in trésor perdu dans l'océan
La montagne ici sa i manque pas nous
I suffit que ou regarde in coup autour de ou
Dan'n ciel tous les jours paille en queue lé en train' voler
Dan'n l'air i flotte l'odèr la liberté la joie la gaité
Si tu vé conait' koulèr mon péi, sort' dan'n ton fénoir
Si tu crois pas tout sak mi di vien fé un tour ta oir
Si tu vé conait' koulèr mon péi, sort' dan'n ton fénoir
Si tu crois pas tout sak mi di vien fé un tour ta oir
Si zot i sers lo rêve la réalité
Vien dan'n mon péi zot sera comblé
Quand va rive un l'hèr ma prend mon guitare moin va chanté
Et dan'n zot kèr mon maloya va résoné yé yé
Sa même i apelle locéan indien
Sa même i apelle l'ile de la Réunion
L'ambiance la joie la fète toute lé dan'n' trin
Oh ! Sa même la réunion mon péi mon monmon oh oh oh oh
Ecoute lo son mon guitare, chante mon maloya
L'ambiance la joie la fête lé partout, chante mon maloya
Ecoute lo son mon kayamb, dans mon maloya
Na craze la mizik ziska fénoir, dans mon maloya
Si tu vé conait' koulèr mon péi, sort' dan'n ton fénoir
Si tu crois pas tout sak mi di vien fé un tour ta oir
Si tu vé conait' koulèr mon péi, sort' dan'n ton fénoir
Si tu crois pas tout sak mi di vien fé un tour ta oir
Saint Paul
(A/C Jean Bruno Escyle)
A toué mon zoli Saint Paul
Zistoire mon péi i passe par ou
Souvent, mi trouve a ou drole
Kan mi pran lo temps po regarde à ou
Et kan ban'n la la rogarde aou de loin
Zot la vi ou té telman zoli
Zot la pli gaygne di riyen
Zot té kroi èt dan'n in paradi
Malgré zordi ou la sanzé
Personne i gaygnra zamé oubli a ou
Moin la dmandé comment ou la fé pou fé conait' anou
Si mon péi lé visité, c'est grace aou en vérité
Tèlman moin lé pasioné, aou aster mi vé pli quité
Saint Paul, Saint Paul, aou touzour nou va admiré
Saint Paul, Saint Paul, sé la ou nou lé né
Saint Paul, Saint Paul, aou touzour nou va admiré
Saint Paul, Saint Paul, sé la ou nou lé né
La grotte des premiers français, l'endroit ou nous lé né
Jamais moin ma oublié, jamais moin va oublié
Et quan ban'n la découvre aou zot aussi zot l'admire aou
Zot té gaygne pi alé sans ou, zot té gaygne pi alé sans ou,
Malgré zordi ou la sanzé
Personne i gaygnra zamé oubli a ou
Moin la dmandé comment ou la fé pou fé conait' anou
Si mon péi lé visité, c'est grace aou en vérité
Tèlman moin lé pasioné, aou aster mi vé pli quité
Saint Paul, Saint Paul, aou touzour nou va admiré
Saint Paul, Saint Paul, sé la ou nou lé né
Saint Paul, Saint Paul, aou touzour nou va admiré
Saint Paul, Saint Paul, sé la ou nou lé né
Mi chante po ou manman
(A/C Jean Bruno Escyle)
Mi chante po ou manman, paske ziska zordi
Ou la gaygne tire a moin dans lo vent
Ou la mèt amoin a l'abri
A zordi moin lé grand manman
Alors mi essaye di aou ou ou
Tout' mon ban'n sentiment
Ke moin na vraiment po ou
Mi sante po ou manman
Paske mon kèr lé content
Grace a ou ziska zordi si moin lé vivant
Car mi di aou manman
Le bondié lé très grand
Et demain pour la vie ma reste toujours out zenfant
Moin la pas konni la violence
Depuis mon tendre enfance
Ou la gaiygne guide amoin
Dessi le bon somin
Et quand i passe dan mon l'idée
Manman parfois mi vé pléré
Po tout' sak ou la fé
Po mette a moin komilé
Mi sante po ou manman
Paske mon kèr lé content
Grace a ou ziska zordi si moin lé vivant
Kar mi di aou manman
Le bondié lé très grand
Et demain pour la vie ma reste touzour out zenfant
I Fo Vive
(A/C Jean Bruno Escyle)
Si la ferre depuis moin lé p'tit
Na in zafaire sa moin la toujours appris
Oté fi frère i fo mi di a toué zordi
Pour qu'un jour toué aussi tu réussi
Dans la vie i fo pas perdre un instant
I fo aller toujours de l'avant
Mais rien rien ti doi regretter
Fais lo maximum po toué vive ton passage
La vie i attend pas toué
Car in jour quand ti sera pli vié
Nana beaucoup d' chose que ti gaiynera pli fé
Ta regarde en arrière et toué va maziné
Toul ce que toué n'aurait pu réaliser
Alors profite toué na encore lo temps
I fo ti prend conscience des a présent
Toué lé comme lo vent quand la pli i vien tombé
Alors i fo vive ton liberté
I fo vive la vie i attend pas toué
I fo vive ti doit en profiter
I fo vive ti koné pas oussa toué va lé
Oh non, non, non, non, non Ti koné pas oussa toué va lé
Dans la vie toué n'aura des problémes
Mais fait en sorte po toué gaiyne surmonté
Prive jamais celle que Ion kèr i aime
Car une vie bien réussi c'est une vie à dé
Ti doit zamé, zamé vive èk des remords
Mème quand i arrive Ion dernier l'hèr po mort
Exprime a toué vive ton liberté
La vie lé sacré ti doit bien apprécié
Sak bondié la donne a toué
.Fé pas semblant
(A/C Jean Bruno Escyle)
Ou di a main comme ça que moin lé out meilleur copain
A force ou cause èk moin ou di a moin ou estime a moin
Quand mi voit ou passer mi regarde out zié brillé
Non tout ça la pou main ça pas l'amitié.
Ou essaye fé croire a moin que nou't dé ou lé éloigné
Ou lé plus conscient que main que nou't dé ou lé prés
Pas besoin ou di a moin s'in zaffaire que mi devine
Que désormais entre nou lé pi solment copain copine
Dans out zié nana l'amour, I refléte dessi out visage
Fé pas croire a main lo nuite po lo jour, Modifié pas mon paysage
Ou di a moin comme ça que ou la point rien pou main
Tout sak ou la di a moin lé sans importance
Mais sak i sorte dans out bouche mi avou ça i touche a moin
Alors di pas moin que tout sak nou vive c'est que dé coincidence
Non, non, non, non, non, non mi vé pas
Avale tout ça la parce que i digèrera pas
Pas besoin complique a moin pas besoin passe quat somins
Ca lé simple comme in bonjour de dire que ou i aime a moin
Mi di azot adié
(A/C Jean Bruno Escyle)
Manman domin mi sava
Domin mi sa quitte mon pays
Dessi mon kèr nana un pè tracas
Mais plère pas moin va rovni
Zordi moin lé en face mon destin
Le devoir d'homme i appel a moin
Oui manman mi sa l'armée
Mé solment pas po l'éternité
Dépi quand moin lété p'tit
Ou la bien okip a moin
Aster zordi moin la grandi
Mi romercie a ou bien
Domin mi sa prends l'avion
Mi di a ou adié
Mi sa quitte la Réunion
Pétèt nar trouvé
Azot tout mon band copin
Mi oubliera pas zot même si moin lé loin
Et en attendant mi di azot adié
Pétèt si bondié na pitié
Avec espérance azot moin va retrouvé
Mi di azot adié bonjour la France
Derniers mots
(A/C Jean Bruno Escyle)
Mi rappel encore lo soir quand moin té pense a ou
Comme un soleil pou moin ou lété tout
Ensemble nou té prêt po vive nout bonèr
Tout d'un coup mi koné pas kosa la sange out kèr
Alors comme sa ou lé parti
Même derrière ou, ou la même pas regardé
Mé rappel bien sak ou la fait amoin zordi
Sa moin mi pardonera ou zamais
Ou lé parti parce que moin té i aime aou trop
Même un baiser ou la pli gaygne donne amoin
Moin la reste la moin la plus gaiygne di un mot
Zordi dans mon desepoir mi essaye cale mon chagrin
Avec lo temps pétèt ma oublié
Tous le bon moment qué nout' dé ou la passé
Mé sak tous les jours mi vé pensé c'est le soir du mois d'janvier
Ou la quitte a moin pour alé avec li
Mi envé pas zot parce que c'est lo destin
Même si ou la ralenti mon vie
Ma rode mon somin lo ciel va claire a moin
Entre nous lé terminé
Chacun' son coté nous va essaye oublié
Lo bonèr la passé nous la pas gaiygne trapé
Zordi mi tourne la page et mi di a ou adié
Zordi nou la marié
(A/C Jean Bruno Escyle)
Zordi nou la marié nout kèr lé héré
Fénoir i vien'n tombé nout promié pas nous la fait
Dans la vie difficile tous les dé nous la engagé
Si zordi nou la unie c'est que nous la aimé
Ce soir devant bondié nou la juré
Amour sincérité tendresse et fidelité
A nout' ban'n zenfant un jour nous va raconter
Toute chemin nous la fait combien nous la aimé
Pour le meilleur et pour le pire sur l'autel nous la signé
Ton destin mon destin tous lé dé la rassemblé
Même si nous la point l'auto, même si nous la point la télé
L'essentiel c'est que dans nout vie nana toujours la clerté
Domin quand moin va lévé soleil s'ra pencore cléré
Ma descende si l'bord somin pou moin allé travaillé
Si un jours dan'n out foyer problème i essaye rentrer
Mon doudou pas besoin pléré ensemble nous va lité
Tous les soirs avant dormi nous va prie lo seigneur
Dan nout caze, dan nout vie li va mette la limière
Dessi nout vié zour quand nout reve s'ra pas loin fini
A nout bonèr nous la eu nous va réflechir