APOLONIA TEXTES MON L'UNIVERS

TORTIRE PAS OU

Oui, trop’d conversations, si mon dos i arrète pi.
trop’d mazinations va defen’n aou dormi.
mové l’intention i fé somin dans l’esprit.
confiance lé couyon quand li sava la fini.
la vie vagabond non mi vé pas crache déssi.
sa in situation i pé arrive n’importe qui.
mais sak i donne la roue souvent i rale pas charrète. 
ou’t kozment jalou va tire, l’amour dans mon tète.

allé dan’n somin po vangué,sa la pas mon défaut,
sé plitot in kalité.
mais assize la kaz enfermé,non la pas sa i faut,
la journée nous va ralé.  

Oui na d’boug i trahi serment après i trouve drole.
po trompe in mari in femme pas besoin lé fole.
tellement tentation i pendit si nou’t zépaul.
po pas perde raison jette toute la blague i racole.
nous na même vision po nout zistoir pas kanté.
po pas fout dan’n fond in l’équilibre fo trouvé.
mais si ou vé sorti la pas moin i kale aou.
choisi ou’t z’amis n’inpé lé pas bon dit tout.                                                            

PREND TON SOMIN 

Chaque jour lé in cauchemar
Si out figuire lé marqué
Out mariage in mirroir
I reflète in vie gaché.
Mais ais ais
Sous un ciel en nuage,
Tellement larmes ou la versé
Maltraité dan’n tangage
Out respect ou la gardé.  

Mais la zordi la fine arrive ler
Prend ton somin allé
Ou na toujours le sourire pour plaire
Reste tout sèl lé meyer que mal accompagné
Oui la zordi la fine arrive ler
Borde ali in coté
Lo coup i fé mal ou passe mizer
Marmaille i fé pitié, croit moin.  

Coupâble de tous les faits
Ou considère aou souvent
Mais zenfant traumatisés,
I oi soufrir zot manman
Lassé et résigné
Ou fini par accepté
Si in corps martyrisé
La honte i fé place au secret.

POURQUOI

Pourquoi l’enfant massacré ?
Pourquoi la mère épuisée ?
La vie la mort
C’est une drôle d’aventure
Qu’on vit ! 

Pourquoi la terre appauvrie ?
Pourquoi tant d’homme endormis ?
La vie la mort
C’est une drôle d’aventure
Qu’on vit ! 

Pourquoi enfants de la terre ?
Pourquoi enfants de la vie ?
Laisser rouler la cadence
Danser jusqu’à s’envoler
Pourquoi enfants de la terre ?
Pourquoi enfants de la vie ?
Laisser rouler la cadence
Et puis gagner de nouveau défis

  La vie la mort tu le sais quelle aventure
C’est dans l’effort que ton rêve devient futur

            Dé fois même lé dire po lité, fo pas laisse allé

La vie la mort tu le sais quelle aventure
C’est dans l’effort que ton rêve devient futur

Ta oir dan’n somin galizé, l’amour lé paré 

Tempo du flot de la vie
Tempo chantez mélodie
Cadeau magique
C’est une belle aventure…. Musique
Tempo, cet air de bonheur
Tempo lancé dans ton cœur
Cadeau magique
C’est une belle aventure…. Musique

  La vie la mort tu le sais quelle aventure
C’est dans l’effort que ton rêve devient futur

            Dé fois même lé dire po lité, fo pas laisse allé

La vie la mort tu le sais quelle aventure
C’est dans l’effort que ton rêve devient futur

Ta oir dan’n somin galizé, l’amour lé paré

PAPA

  Moin la pas vi aou vieilli
Ou la pas vi amoin grandi
Aou moin pas trop koni
Oui na domoune té i dit
Travaye ou té i travaye
Po nous manzé si la table
Nous té encore ti marmaille
Compren’n nous té pas capable
Moin la pas senti out bras
Porte amouin si out zépol
Comme monmon té fé des fois
Quand moin té apren’n bien l’école
Parti zène ou la parti
Pétèt avec in raison
Ou la laisse anou depuis
En pleine interrogation  

Papa,papa,papa- a des fois,
Mi sent in presence in l’ombraz
Derrière mon pas.
Papa,papa,papa-a mi croit
Dan’n livre la vie dessi in paz
Mi konné ou lé la

  Et bien des années après,
Plein’n moune i aime en parler.
Lo bon l’imaz ou la laisser,
Dan’n somin dan out quartier.
Mais ziska zordi voila,
Oui ou manque amoin papa.
Ou la parti tellment vite
Séparation té subite.
Dan’n in moment difficille,
Aou souvent mi kalkile.
Ou té riskab donne amoin
In conseil ou bien in coup’d main.                        

            ti pé ti pé sagrin la fane fane
            Dobout dans mon sentier moin la ya bout trouvé
            Comment fo guinye la vie po moin sapé
            Tout sèl sans ou papa,tout sèl sans ou papa.    

  Dan’n mon l’ésprit ou l’encor la
Quand mi mazine a ou Papa

OUBLI PAS LA RENION

Toul temps zot i dit et partout zot fini ecrit,
la réunion ; in terre l’harmonie.
sak nous la pas compris kan dan’n zoinal zot la décrit,
nou’t paradis comme ; in terre maladie.
média la fé pèr, nous la vie sak té solidaire,
n’in pé sans honte la bèse somin la partie.
sanctuaire sanitaire non i trouve pi dessi la terre
sak la compris sa ; oubli pas nout péi.  

oubli pas la rénion,oubli pas la rénion,
oubli pas la rénion. (malgrès na l’océan)
oubli pas la rénion, oubli pas la rénion,
oubli pas la rénion.   (sa po l’avnir nout zenfant)
oubli pas la rénion,oubli pas la rénion,  
oubli pas la rénion. (oui po zordi po, toultemps)
oubli pas la rénion,oubli pas la rénion,
non non

  mais qui sa la osé dit dan’n péi dévlopé,
l’épidémie i guinye controlé.
zène comme vié va payé,
zot l’ignorance zot l’insouciance,
la reunion ; lé in pé trop loin la France.
intensément pale,
nout paradis en carte postale, l’indifference ;
la ren’n ali sale.
Mais fo ète raisonnable,
créole aussi lé responsable,
i écoute trop ; parole z’incapable.

MON L’UNIVERS

  Kan mi mazine lo temps avant,
La  mizer lété présent,
Mais la vie té pli gadiam’m.
Zordi mi garde moin la pi 20 ans,
Toute valèr la po foulkan,
Toute malèr po passe dovant.

  sak la koni la Rénion longtemps
Kan marmaille té per parent ,
Nous na souvnir i rosem’m.
L’émotion la po souk amoin fort
Kom’m zot kan lo soir mi dort,
Na zimaz mi rève encore.  

Grande fontaine,fond jardin ;
Tour des roches té mon l’univers.
Moin té zène, mon somin ;
Té sava ziska lapèrrière  

Sakin’n na zistoir po raconté
Ker sérré larme dans lo zié,
Kan li évoque son quartier.
Mais court dé pattes ater dan’n galet
Marque commissions si carnet
Mon vie l’été pas pli mié.  

Gramoune i assise la po kalkilé
pendant son vie la avancé
son kiltir la freine in pé.
ban’n ton patrick la sobat po sa     ,
tour des roches terre maloya
ban’n zène nana zot gayar.

LAISSE AMOIN LA  

Tangaz èk tapaz , Té mon quotidien, Toute mon paysaz , Té brille en satin
Après in viraz , Mon fami té loin , Ek in l’entouraz , Ou l’astik amoin
Dalon moin la vé , Paré po sobat , Vive kom larivé,  Sans linze ni savat’
Moin la vé pi faim, L’amour comme la vie , Kan ou la quitte amoin, Merci moin la dit

  Non, laisse amoin la , Non, non, non, vien pi la
Ou té sa prend toute mon vie , Mon l’avenir té sa fini
Non, laisse amoin la, Non, non , non, vien pi la
Mi vé pi mars ek la pile, Lo matin lève ek la bile

  Mi vé guèt au larz, Rode in ot manièr , Mé dan’nmon paraz , La ou tourne ou vire
Sak moin té oi pas , La dan’n mon kanal , La vie té sava , Li té mèt lo voile
Pas personne l’otèr , Moin té vé gouté, Toultemps rale l’oder , Moin té fatigué
Lé dir mon sévraz , Mé mi mèt ensem’m , Lé lourd lo bagaz , Même mon corp i trem’m

I SA TROP VITE

  la i sa trop vite coté moin dalon
na bonpé i lite moin na l’impréssion
na sak i perd ler ek l’évolition
lé zalou zot frère la tète la pi bon
la division, lé dovant nous a l’horizon.
fé attention, tout sala va fou anou dan’n fond.  

la vie lé trop sère ici la rénion
nana i tolère la spékilation
Bon pé i péfère rest coté monmon
Car souvent des fois d’autres i dort sous lo pont.
la vie lé dire ,mais la pas po toute mon dalon.
oui nana l’avnir rienk po sak nana lo fond.  

koz po rode in manir po avancer
améliore nout sort
koz po critique ton voisin faut arréter
li po tié son corps
koz po dit nad moune i aime abiser
la toué la point tort  toué la point tort
mais koz po dit sak iavance la magouyer
la ti sa trop fort.  

la pas moin la fé, la compétition.
dans lequel nous lé, ici la rénion.
pas besoin crier, nous lé pris au piège.
et a nous même i fé tourne lo manège.
solment mi pense nana la rodé la trouvé ;
soit faut ou danse ou sinon doboute a coté.  

kozment lé en couyon
oui quand na lo mot i blèsse.
in mové solition
oui si ou lé en détrèsse.
non non, lé pas bon

rent pas la dans,zalousie tout sala pas bon.
rgarde loin dovant,positive arrète tourne en rond, oté.

BONDIE LA MET AOU LA

  Bondié la mèt aou si mon somin,
Aster la mi sent amoin in pé pli fort.
Na des zour quand moin té lève lo matin,
La détresse ek souci té vé tié mon corps.
Bondié la mèt aou si mon somin,
In moment ou moin té commence perde lo nord.
Mon kannot té dérive si vague sagrin,
Ek out limièr au loin moin la trouve mon port.  

Solidaire si nous lé
Dan’n l’amour na trouvé
Sentiment vérité
Nou’t somin galizé

  Bondié ou lé la la haut
Ou va guèt anou la
Bondié ou lé la la haut
Oi mèt out l’amour la  

Bondié la mèt aou si mon somin,
Aster lé sir mon ker lé plein en zarlor.
Decouragement té assize veille amoin,
Et zordi na séquelle oui i traine encore.
Bondié la mèt aou si mon somin,
Oh la vie quel beauté ti fé oir moin l’or.
Oui coméla nana’d l’eau dans mon vin,
La tolérance, l’amour la tire moin si l’bord.

BAN’N CELIBATAIRE

  ban’n célibataire, sérié i vé marié
l’age la fini avancé. telment i galère,
dévoile la vérité, zot lé malisé trouvé.  

non ferme pas trop lo zié.
déssi la beauté sentiment lé pas toujours vrai.
même la solitude i tié, somin l’aparence
i amène dovant la soufrance.

  Refrain

si ou lé amouré laisse pas ou allé
avant ou sa plongé,
garde koça na dovant la.
na in ler va rivé ou sora comblé.
in bon moune oi trouvé mais tiembo lé ker la.

  doucement si lo verre, sak na la morale frèle,
dovant fé pas  trop dentèle, sa in mové zafer 
po in gar po in mamzelle, sombré kan ou lé tout sèl.  

non persone nana toute
sak i fé promèsse, ali même i mars en morèsse.
rode pas trop lo boute ;
po oir l’essentièl, oubli l’artificièl.  

YA DU SOLEIL

  Ya du soleil, Ya du soleil, Ya du soleil
Point de lumière sur la planète
La ou le feu l’eau font la fête
Quand le soleil inonde le soir
Les grands rochers noirs
C’est la plus belle île du monde
Là ou tous les pays se confondent
Une femme une mère une fleur
Une terre de chaleur ou chante les couleurs

  Si tu veux, quand tu veux,
Passe me voir à la maison
T’en aura plein les yeux
Chez moi à la Réunion 

Ya du soleil (De la montagne à la mer)
Ya du soleil (Sur le bord de nos rivières)
Ya du soleil (Si tu veux moi je t’invite car le temps passe vite)
Ya du soleil (Cela fait bien trop longtemps)
Ya du soleil (Que moi ici je t’attends)
Ya du soleil (Pour me voir à la maison, viens à la Réunion)

  On a classé dans nos mémoires
Le passé troublant de notre histoire
Pour garder en nous le meilleur
Ouvrir notre cœur
L’amitié sera notre chance
Nos richesses sont nos différences
Quand la diversité nous rassemble
Pour mieux partager
Nous vivons ensemble 

Et lorsque nos vies se mélangent
Nous vivions l’amour en échange
Dans la fierté de nos sangs mêlés
En toute liberté
Et si le cœur t’en dit  je t’invite
Ne tarde pas le temps passe vite
N’oublie pas que depuis si longtemps
Au soleil de mon île
Chaque jour je t’attends 

Si tu veux, quand tu veux,
Passe me voir à la maison
T’en aura plein les yeux
Chez moi à la Réunion